President Bola Ahmed Tinubu don shower di Super Falcons of Nigeria wit plenty money, houses and national honours for winning di 2024 Women Africa Cup of Nations trophy….CONTINUE FULL READING>>>>>
Di President receive di players and dia technical crew for di Aso Rock Presidential Villa on Monday evening.
For di ceremony, Super Falcons captain Rashedat Ajibade present di Wafcon trophy to Tinubu, vice captain and goalkeeper Chiamaka Nnadozie also present her golden glove award for di best goalkeeper of di tournament.
President Tinubu narrate how e bin no wan watch di final match bicos tension bin hold am, but e praise di girls for “making Nigerians very proud”.
“On behalf of a grateful nation, I hereby confer on di players and di 11-man technical crew wit di National honour of Officer of di Order of di Niger (OON),” Tinubu tok.
“Additionally, I hereby direct di allocation of a three-bedroom apartment to each of di players and di technical crew in our Renewed Hope Housing Estate.
“Lastly, I also announce di cash award of di naira equivalent of $100,000 (about 152 million naira) each to di 24 players, and di equivalent of $50,000 (about 76 million naira) each to di 11-man technical team.”
Also for di event, di Chairman of di Nigeria Guvnors Forum and di Govnor of Kwara State, Abdulrazaq Abdulrahman, also announce a donation of N10 million (about $6,500) each to di players and dia coaching crew on behalf of di NGF.
Fans no happy as bus parade no longer hold
BBC News Pidgin bin tanda gidigba for di Abuja stadium wia di Super Falcons bin suppose land around 12 noon, dia aircraft finally touch ground around half past two.
Tori bin don go round say di victorious Falcons go parade round di Capital city wit di Wafcon trophy as soon as dem land.
Secretary to di goment of di Federation, George Akume, some goment ministers and some state guvnors receive dem on ground as di girls dey come down from di plane.
Ajibade di team captain raise di Wafcon trophy for air as members of di National Troupe drum and dance to welcome dem.
However, afta small tok for one of di meeting rooms for di airport, officials direct di girls to some white buses for di airport tarmac and dem follow anoda gate comot for di airport, to di disappointment of many fans wey bin gada in front of di airport, dancing to drums and trumpets, waiting for dem to come out.
Na security pipo later inform di pipo say di girls don leave di airport.
E no dey clear why di authorities no allow di girls greet di fans wey bin gada to meet dem, but heavy rain bin fall for Abuja from di morning of Monday reach around di time wey di Falcons plane land.
Our tori pesin also see one double-decker bus wey di Nigeria Football Federation (NFF) bring to di airport in hope say dem fit do di bus parade wit di girls for Nigerians to celebrate dem.
Di bus dey dia as di Super Falcons players and coaching crew follow anoda route comot from di airport….CONTINUE FULL READING>>>>>
